بسم الله الرحمن الرحيم
السلام عليكم ورحمة الله
مرحبا بالحلوين .. (f)
هذي طريقتي الشخصية في تفتح منطقة الركب والأكواع اللي مأزمة العالم
نتائجها أفضل ع الأكواع لأن بالعادة هم الأفتح .. بس الركب تأخذ وقت أكثر
المنتجات اللي تحتاجونها في هذي العملية هي :
1\ كريم تشقير الشعر .. إسمه jolen موجود في السوبرماركات
داخل العلبة بودرة أكسجين وكريم تشقير .. البودرة صغيرة وعلبة الكريم أكبر منها
+ في ملعقة صغيرة تلقينها بالعلبة راح تستخدمينها في المقادير
2\ جل فازلين ب فيتامين e أو حتى العادي
3\ رز مطحون بمقدار أربع فناجين (غير مطبوخ أو مغلي) من الكيس ع طول وتطحنيه
4\ ملعقة صغيرة خميرة فورية
5\ ملعقة صغيرة بيكربونات الصوديوم (بيكنج صودا)
أو أي منتج كاتبين عليه هالكلمتين اللي قلتهم ..
6\ ملح حليب يوكا سبأ
موجود أظني عند العطاريين أو بعض المحلات الصغيرة ..
_______________________
أولاً :
1\ تدهنون (الركب) بجل فازلين قليل بشكل جيد ع كامل منطقة الركب اللي نرغب بتفتيحها
2\ تحطي مقدار ملعقتين من ملعقة العلبة وملعقتين من كريم التشقير وتخلطينهم مع بعض
3\ تدهنين التشقير ع الركب وتوزيعنه بشكل جيد وتتركينه لاتعيدي فوقه ولاتمسيه خليه بس.
(وتسون نفس الطريقة للأكواع) .. (*)
_______________________
ثانياً :
بعد ربع ساعة .. من الإنتظار
1\ تنظفون الركب والأكواع من كريم التشقير
2\ تجيبون ملح وتفركون المنطقة زين بشكل لطيف لمدة خمس دقائق ..
بعدين تنظفون المنطقة
3\ تخلطية ملعقة الخميرة الفورية وملعقة البيكنج صودا مع بعض + ملعقة جل فازلين صغيرة
وتدهنونهم ع الركب والأكواع وتتكونهم دقيقتين بعدين تدلكون لمدة خمس دقائق
وتنظفون المنطقة
______________________
ثالثاً :
لما تخلصون من كل هذي الأشياء
أدهنوا المنطقة بكريم شديد الترطيب
مثل كريم 45 الطبي موجود في الصيدليات
أو تدهني فازلين مع كريم جليسوليد الأحمر الأصلي
وتغطون هالمنطقتين بقماش دافئ
وخلاص ..
:tongue:
راح تظهر النتائج للأكواع بشكل أسرع يعني في أسبوع
أما الركب بعد أسبوعين ..
وتكررون هالعملية ثلاث مرات بالأسبوع .. (التشقير) لكن (الترطيب) + (فرك بالملح) + (تفتح الخميرة والبيكنج صودا) بشكل يومي ..
دعواتكم أن الله يشرح صدري وييسر لي أمري .. ويفرح قلبي وقلب من أهتم فيهم وأحبهم
الرئيسية 
