كفر الشيخ

موضوع: كفر الشيخ الأحد أغسطس 02, 2009 8:10 pm

جـار الزمـان وقلـت لازم أغــرّب
إمــا تـعـدّل ولاّ مـانـي لحـالـي

هذي ( مصر ) كل مالهـا لـي تقـرّب
ماشـي لهـا ماعـاد فيـهـا مجـالـي

بالموتـر اللـي للخـطـوط مـتـدرّب
( نازي ) ولاهو نازي .. موتـر مثالـي

( k - m ) يا ( b - m ) ناوي أخرّب
لين ( الرصاصـي ) بالعلالـي يلالـي

روّق مـزاج مـن المـرار متـشـرّب
النّيـل تالـي الليـل , بالحيـل حالـي

والخيل لااهل الخيل , إركـب وجـرّب
عند ( الهـرم ) معسوفـة ٍ مـا تبالـي

راعيّهـا يركـي عليـهـا ويـضـرّب
راعـي قناعـة .. بالسعـر مايغـالـي

وبترولنـا بيـن المـلاهـي متـطـرّب
( المستريح اللي من العقل خالـي ) !

وبتـرول ناعـم بالمقاهـي متـسـرّب
هـذا السهـر يـا طالبـات المعالـي !

يـا قاهـره للـروح .. عنْـك متهـرّب
دربـي شمالـي دام صـدري شمـالـي

ماعاد لـي مقعـاد .. عشـت متغـرّب
طـوق الليالـي كـان فـوق احتمالـي

بالرّيف وجـه الضيـق صـار متتـرّب
بالرّيف شفـت الكيـف وارتـاح بالـي

عَمَار يـا ( فـدّان ) صـان المخـرّب
عَمَـار يـا جـوّ الخَضَـار الخيـالـي

عَمَـار يـا وقـت ٍ تباعـدت .. قـرّب
ردّ الليالـي .. يـا خـوالـي تعـالـي

جـار الزمـن أو زان .. لازم أغـرّب
راجع يَ( كفر الشيخ ) راجـع لحالـي

وسلامتكم ..

موضوع: رد: كفر الشيخ الإثنين أغسطس 03, 2009 4:51 pm

يســــــــــــلموو يالحب
لا تحرمينا من جديدكـ

موضوع: رد: كفر الشيخ الخميس أغسطس 06, 2009 10:47 am

الله يسلمك حياتي
عطرتي الصفحه

» شرم الشيخ
» وش قال الشيخ للي ما تزوجت؟
» قصة الشيخ مع الساحر