خرابيط بنات اخر الليل

السلام عليكم


فيه أحد عنده عصفر ؟


ياجماعه والله اثري اول اسمع بالروعه ! واسمع بام الركب َ! وقسمن بالله اني في سالفتي هذي جربت الروعه بجميع انواعها ام ركب وصياح وضحك وحالة هستيربا ووجع بطن بس ماعاد بقى الا الحمام





تجيكم السالفه



انا واختي جالسين نتشهوى على وجبة كودو الساعه 12 الاربع في الليل تقريبا , وقالت لي وشرأيتس نطلب؟

قلت يله بس انتي افتحي الباب قالت لا انتي قلت خلاص اجل مع بعض

مع العلم ان ابوي لو لمح بس لمح طرف كيس من مطعم من فوق 11 الليل واللي فاتحه الباب وحدتن من بناته يمكن ينسى ان عنده عيال ويذبحهم ينتقم يفجر فينا يعني متوقع منه أي شي



وقد اعذر من انذر <<ابوي دايم يقولها بس يعكسها



الموهم نزلنا انا واختي على حزة جيت المطعم ونوقف عند باب الفله عشان اول مانسع صوت سياره نركض قبل لايرن الجرس



وفجاءه واحنا ننتظر رن التليفون انا هنا بغى يوقف قلبي , تعرفون البيت في الليل هجده وكلن نايم وينسمع كلش وارد قال الو معاكي كودو قلت ايوه بغيت اقول والتبن قال انتي أي شارع بالزبط الله يأخذ بليسك ياحيوان لك كم سنه توصل لنا وجاي تسأل عن شارع في هالزنقه


ومير اوصف له ومادريت الا اختي تنغزني تقول صوتس عالي لايسمعتس ابوي توصفين

ومير مامداني اسكرها منه اا ران الجرس التسلب الاجرب

واركض ميييييييين؟؟ المشكله مب وقت مين بس ابي يدري اني هنا يعني لاترن الجرس


قمت حطيت له الفلوس تحت الباب قلت خل الطلب عند الباب قام هو تكلم بس مدري وش قال .. قالت اختي مارجع الباقي وينه ؟

وفجاءه نسممع صوت ابوي انا جتني ام الركب وام الكلى وام العصاقيل واهابد انا واختي في الدرج

ههههههههههههههههههههههههههههههه رحنا وخلينا الطلب عند الباب ودخلنا الغرفة وسكرنا علينا خلااص بننذبح بنعلق في الحاره عضة وعبره لكل بنت تطلب في تالي الليول



وفجاءه قالت اختي تراه بيرجع يرن الجرس يجيب الباقي هنا انا بغيت اصييييييييييييح
مب وقته ابد

وكل وخده تقول للثانيه كلميه قولي له يدخلها تحت الباب لايرنه , واشوى قلنا له ولارن الجرس

شوي نسمع ابوي يافلانه ياعلانه ؟ فلان؟ ولا نرد من الروعه

ولاحظو الاكل مازال عند باب الشارع ههههههههههههههههههههههههه في اللحظه نضحك انا واختي وعيونا دموع هههههههههههههههههههههههههههههههههههههههههههه

قلت لاختي انا بنزل تحت ثمن الحقيني وافصخ شبشبي عشان مايطلع الصوت لان غرفة ابوي عند الدرج ولو مرينا سمعنا وقام ينادي

وامشي حفيانه

وانزل تحت واجلس في المطبخ كلمتني اختي وقالت يله اطلعي جيبه وانا براقب ابوي لو طلع من غرفته بعلمك قلت معصي , انا وانتي واالا مافيه وفجاءه وقسمن بالله سبحان الله جتني شجاعه ومير اسكرها منها واركض لباب الشارع وافتحه واسحب الكيس وارجع للمطبخ احط الكيس في وسط الدروج مع المواعين وقلت ياربيه وش لون بس بررقيها فوق اخاف ابوي فجاءه يفتح باب غرفته وانا ماسكه هالكيس ؟

ومير ماعاقت معي اقوم وافتح الثلاجه واطلع برتقال واطلع سله فواكهه واحط الوجبات تحت والبرتقال فوق واحطها بصينيه وارز جمبها الكولا يعني بالعقل؟ بأكل كل هالبرتقال؟ والا احد يشرب كولا ويأكل برتقال؟ وارقى مع الدرج يعني لو حدني ابوي بريئه انا نازله اجيب برتقال؟ ومدري من اللي رن الجرس ورد ع اتلفون مهوب انا !



وانا راقيه مع الدرج اشوف اختي واقفه شافتني ارقى بالبرتقال قامت انسدحت في نص الدرج خلاص ماسمع الا شهاقها انا قامت كتوفي تهزز كاتمه ضحكتي لاني لو انفجرت انفجرت

واروح للغرفه بسررررررعه وارمي البرتقال وانسدح ضحححححححححححكك ومعها دموع الفرح اني وصلت بالسلامه


ويوم جيت اكلها باااااااااارده وانا من الروعه ماتهنيت وقمت اغصغص فيها خلاص اخر مره ان شاءالله والله لو اكل خبز خرفان


مايستفاد :


اللي عندهم ابو مثل ابونا لايخاطرون لان ليس كل مره تسلم الجره

اللي في راسها طلب تطلب من العصر والا ترسل السواق من بعد صلاة العشاء

واخر شي احب اقول النوم وانت جوعان احسن من النوم وانت مروع


وترى السالفه هذي توها صايره من سويعات وقسمن بالله طار عني النوم وجيت اسولف هنا من الروعه
وابوي مسكيين قام يدرو في البيت يدور وش هالاصوات والجرس




في امان الله




منقوووووول

اشكر مروركم

ههههههههه مسكييييينه


يعطيك الف عافيه

أشكر مرورك خيتو

ياعمري مساكين الله يعينهم

أشكر مرورك يالسعه
بس عادي تذكرين يوم سالفة الفطور الي الصباح يوم الشرطه يدورونا عشانا مزعجين ههههههههه
والله كل ما تذكرت السالفه أموت ضحك