قصيده عن الاب

موضوع: قصيده عن الاب السبت أكتوبر 10, 2009 4:20 am

يابوي ليه تبكي كل ما شافتك وعينـك لـي ؛،؛

تخاف أموت يابوي ... وقبل الموت تبكيني

تكفى يابوي لا تبكي وأنا موجود معك وحـي؛،؛

أجل بعد الرحيل أشلون في قبري توطينـي

يابوي لو تموت الناس ماتسوىدموعـك ذي ؛،؛

وأنا يابوي ميت قبل أموت وأنـت محيينـي

قسم بالله يابوي لجل عينك شربـت الغـي ؛،؛

جرعت الهم والحرمان وبحر الويل يسقينـي

تحملت السنين اللي طوتني في عذابي طـي ؛،؛

وصار الجمر بكفوفي .. وتحت أقدام رجليني

يابوي ماعلى عمري حسافه ولا بقا بي شي ؛،؛

ولكـن بطلبـك يابـوي تكفـى لا تخلينـي

يابوي مابي غيرك يغسـل جثتـي بالمـي ؛،؛

وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛

وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛

وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛

ووجهنـي لبيـت الله .. وقبلـه المصلينـي

وحط الطين وأدفني وعزاللي يعـزي فـي ؛،؛

ثلاث أيام يابـوي .. يواسـوك المعزينـي

ورابع يوم يابوي تذكر .. ضحكتي وعيني ؛،؛

تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛

تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛

تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛

تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛

ولكـن أسالـك بالله يابـوي لا تبكيـنـي

لا تحرموني من ردودكم ومروركم العطر...

تحيـــــــــاتي لكم

>>مـنقول<<

يعطيك العافيه
يالبى قلبك
يسلمووو على هذا الطرح الموفق

الله يعافيك
عطرت متصفحي بهيج طله

رووعه
وطول عمرك ذوق فديتك

انتي الاروع قلبووو
نورتي يالغلا

اخس واللة منتي بسهلة يا شموخ
صح ألسانك وادري القصيدة مو منقولة بس انتي متواضعة
ولا ودك الناس تدري انك شاعرة خطيرة ومذهلة بس بصراحة اهنيك

هههههه
لا تحرجني ماكان ودي اقول>>بدا البكش
الله مير يسلمك نورت خيووو

الله العافيك ي شموخ
الموضوععععععع فيه قمههههه من الروععععععه

تسلم خيوو
نورت لاعدمنا هيج طله

يسلموووووووووووووو

قصيدة جداً رائعة للشاعر جابر العتيبي

شاكر لك النقل المميز اختي شموخ

واله مدري لمن بس تشرفنا
العفووو اخوي منووور

» قصيده للشاعره ريوف الشمري
» قصيده من بنت لولد
» قصيده انكســــــرتــ
» هي قصيده قديمه
» قصيده مهدات لكل من قراها