محمد عويضه..بنت نعسانه..

يالساهرة طال فينا الليل وأسهرتك
جعلني الموت لين ألحين سهرانه !

نسيت نفسي بصوتك ثم تذكرتك
وإنتي بعد ماعليك خلاف .. نسيانه

لا قلت : أخليك ؟ قلتي : ليش أخرّتك ؟
خلّك حبيبي معي من جد ولهانه

وإن قلت لك : زين خلّصتي مذاكرتك ؟
قلتي لي : بليز مالي خلق طفشانه

الظاهر إن هذرتي زادت وكدّرتك
أهلي يقولون عني (بنت زنّانه)

قلت : إهذري وإملي عروقي بثرثرتك
هذا هو الموت (نبرة بنت نعسانه)

تدرين ؟ ياما على نفسي تكاثرتك
ماكنت باقول بس الحين خربانه

ياحلوتي قبل أعرفك ماتصوّرتك
كنتي لي المستحيل بهيئة إنسانة

حتى قبل ما أعرفك في البال حضّرتك
ركّزت ثم قلت : لا لا تشبه فلانه

هدّيت عرش الصبايا بك وعمّرتك
ماتشبهك بنت يا ام عيون خدرانه

أحس من كثر ما حاولت جرجرتك ..
للواقع .. الله وهبني إيّاك سبحانه

من قبل ترتيبك لمّا بعد بعثرتك
يالمترفة وأشهد إنك صدق فسقانه

كلّك مزايا من أولتك لآخرتك
يا أقصر طويلة ويا أنحف بنت مليانه

في كل ذرة بجسمي قمت نثّرتك
لين أصبحت كل ذرّة فيك هيمانه

شربتك البارحة فتنة وكثّرتك
شوفي عروقي بحسنك كيف سكرانه

كنتي سجينة خيال وجيت حرّرتك
وأصبحت أسيرك وأبيك اليوم سجّانه

إلا تعالي .. متى تبدأ محاضرتك ؟
طيّب أخلّيك .. شكلك جد تعبانة

محمد عويضة

يسلمووووووووو

الله يسلمك يا هيمو
ونورت الصفحه بمرورك

قمه في الابداع يسلمووو خيتو ولا تحرمينا من مواضيعك كذا

عطرتي الصفحه بمرورك المميز دائما

واااااااااااااااااااااااااااووو
ابـــــــــــــــــــــــداع
لك مني ارق التحايا

يسلموووووووووووووووو

» محمد عويضه..واحشني
» أعشق هبالك..محمد عويضه
» فضيحت محمد نور
» أنشوده عن الأم (أنتِ ملاك)للمنشد محمد العُمري<<مؤثره وروووعه